குளியலறைக்கு கதவு அகலத்தில் கவனம் தேவை!

பொதுவாக புதிய வீடு கட்டும் போது, வெளிப்புற அளவுகள், அமைப்புகள் விஷயத்தில் தான் பலரும் கவனம் செலுத்துகின்றனர்.  ஒரு கட்டடத்தின் வெளிப்புற வடிவமைப்பு, அளவுகள், தோற்றம் சரியாக அமைய வேண்டும் என்பதில் யாருக்கும் மாற்று கருத்து இருக்காது.

அதே நேரத்தில் புதிய வீட்டில் உட்புற வடிவமைப்பு விஷயத்திலும் மக்கள் வரைபட நிலையில் கவனம் செலுத்த வேண்டும்.  வீடு கட்டுவதற்கான திட்டமிடலில், உட்புறம் எத்தனை அறைகள் இருக்க வேண்டும் அவற்றின் அளவுகள் எப்படி இருக்க வேண்டும் என்பதில் கவனமாக இருக்கனும்.

வீட்டுக்கான கட்டுமான பரப்பளவில் மொத்த அளவுகள் என்னவாக இருக்கனும் என்பதை கவனத்தில் வைத்து செயல்பட வேண்டும்.  வீட்டின் உட்புறத்தில் வரவேற்பு அறை எங்கு என்ன அளவில் அமைய வேண்டும் என்பதில் கவனமாக திட்டமிட வேண்டும்.

இதற்கு அடுத்தபடியாக, படுக்கை அறை, சமையலறை, குளியலறை ஆகியவை எங்கு எப்படி, என்ன அளவில் இருக்க வேண்டும் என்று பார்க்க வேண்டும்.  இதில் பெரும்பாலான இடங்களில் இரண்டு படுக்கை அறை அமைக்க திட்டமிடுவது வழக்கம்.

இதில் உட்புற அறைகளின் அளவுகள் விஷயத்தில் கவனம் செலுத்தும் போது, ஒவ்வொரு அறைக்கும் எங்கு நுழைவாயில் அமைய வேண்டும் என்று பார்க்க வேண்டும்.  பொதுவாக, வரவேற்பு அறையில் இருந்து பார்க்கும் போது பிரச்னை ஏற்படாத வகையில் அறைகளின் கதவுகள் அமைய வேண்டும்.

குறிப்பாக, குளியலறையின் கதவுகள், உட்புறமாக திறக்கும் வகையில் அமைய வேண்டியது அவசியம்.  குளியலறையின் கதவு, 2.6 அடி அகலம் இருந்தால் போதும்.  கட்டுமான தொழில்நுட்ப வழிகாட்டுதல்கள் அடிப்படையில் இந்த அளவு வரையறுக்க வேண்டும்.

அதே போன்று உயரம், ஐந்து அல்லது ஆறு அடி வரை அமையலாம்.  அதே நேரத்தில், குளியலறைக்கு கதவுகள் அமைப்பதில் வழக்கமான மரம் போன்ற பொருட்களை பயன்படுத்துவதை தவிர்க்க வேண்டும் என தொடர்ந்து வலியுறுத்தப் படுகிறது.

குளியலறைக்கு கதவு அமைக்கும் போது அங்கு ஈரம் ஏற்பட அதிக வாய்ப்பு உள்ளது என்பதை கருத்தில் வைத்து அதற்கு ஏற்ற பொருட்களில் கதவு வாங்கலாம்.ஈரத்தால் பாதிக்கப்படாத பல்வேறு வகை பொருட்கள் தற்போது பயன்பாட்டுக்கு வந்துள்ளன என்கின்றனர் கட்டுமான துறை வல்லுனர்கள்.

சொத்து பங்கீட்டில் விடுபடும் நபர்களால் ஏற்படும் பிரச்னை என்ன?

இன்றைய சூழலில் பெரும்பாலான குடும்பங்களில் உறவுகள், வாரிசுகளுக்குள் பிரச்னை ஏற்பட முக்கிய காரணமாக இருப்பது சொத்து பங்கீட்டில் ஏற்படும் குறைபாடுகள் தான்.  குறிப்பாக, பரம்பரை சொத்தை பங்கீடுவது எப்படி, தந்தையின் சுயசம்பாத்திய சொத்துகளை பங்கீடுவது எப்படி என்பதில் தான் பல்வேறு குழப்பங்கள் ஏற்படுகின்றன.

சொத்து பிரிப்பது தொடர்பாக மக்களிடம் காணப்படும் விருப்பங்கள் அவரவர் நிலையில் நியாயமானதாக இருக்கும்.  ஆனால், சட்ட வழிமுறைகள் என்பது தனி நபர்களின் விருப்பங்களை கடந்து பொது நலன், பொது நியாயத்தின் அடிப்படையில் அமைந்து இருக்கும்.

இதனால், தனிப்பட்ட முறையில் நமக்குள் என்ன விருப்பம் இருந்தாலும் சொத்து பங்கீட்டில் சட்ட ரீதியான நடைமுறைகளை கடைபிடிப்பது தான் நியாயமான வழிமுறையாக அமையும்.  இதில் வாரிசுகள் அனைவரின் உரிமையையும் உறுதிப்படுத்த வேண்டும் என்பதில் கவனமாக இருக்க வேண்டும்.

ஆனால், சில குடும்பங்களில், ஆண் வாரிசுகள் தங்களுக்குள் சொத்தை பங்கீட்டுக் கொண்டனர், பெண் வாரிசுகள் புறக்கணிக்கப்பட்டனர் என்று புகார் எழுகிறது.  குறிப்பாக, இப்பிரச்னையை ஆழமாக ஆராய்ந்து பார்த்தால், அந்த குடும்பத்தில் சொத்து பங்கீட்டுக்கு முன்பே பெண் வாரிசுகள், தங்கள் பங்குக்கு இணையான பயன்களை பெற்று இருப்பார்கள்.

சொத்தில் பெண்களுக்கு உரிமை உண்டு என்பது சட்டமானாலும், அதை பயன்படுத்துவதில் பெண்களின் அணுகுமுறை பல்வேறு குடும்பங்களில் பிரச்னையை ஏற்படுத்துகின்றன.  சட்ட வழிமுறைகளை கருத்தில் வைத்து தான் இதை தீர்வு செய்ய வேண்டும்.

இன்னும் சில குடும்பங்களில், பல ஆண்டுகளுக்கு முன் ஏற்பட்ட பிரச்னையால் வாரிசுகளில் யாராவது ஒருவர் பிரிந்து சென்று இருப்பார்கள்.  தொடர்ந்து பல ஆண்டுகளாக அவர்கள் எங்கு எப்படி இருக்கிறார்கள் என்பதே பிற வாரிசுகளுக்கு தெரியாத நிலையில், அவர்களுக்கு சொத்து பாகம் கொடுப்பதா என்பதில் குழப்பம் ஏற்படும்.

இவ்வாறு, சொத்து பங்கீட்டில் விடுபடும் நபர்கள், நீதிமன்றத்தை நாடும் போது, அது அனைத்து வாரிசுகளுக்கும் பிரச்னையை ஏற்படுத்தும்.  ஒரு நபர் சட்ட ரீதியாக வாரிசு என்பது உறுதியாகும் நிலையில் அவரை தவிர்ப்பது பிற வாரிசுகளுக்கு பிரச்னையாக தான் முடியும்.

எனவே, சொத்துகளை பங்கு பிரிக்கும் போது, விடுபட்ட வாரிசுக்கான பங்கையும் தனியாக பிரித்து வைக்க வேண்டியது அவசியம்.  அவர் எப்போது வந்து கேட்டாலும் அதை கொடுப்பதற்கான வழிவகையை செய்வது நல்லது என்கின்றனர் சட்ட வல்லுநர்கள்.

சுவர்களில் பதிகற்கள் ஒட்டும் போது பிரச்னைகளை தடுக்கும் வழிமுறைகள்!

வீடு கட்டும் போது அதன் அனைத்து பாகங்களும் மிக சிறந்த முறையில் அமைய வேண்டும் என்பதில் மக்கள் கவனம் செலுத்துகின்றனர்.  இதற்காக, புதிய வீட்டின் வடிவமைப்பு, வெளிப்புற தோற்றம் ஆகியவற்றில் கூடுதல் கவனமாக மக்கள் செயல்படுகின்றனர்.

புதிய வீடு கட்டும் போது, அதில் சுவர்களின் வண்ணம், தரை அமைப்பு போன்ற விஷயங்களில் மிக கவனமாக இருக்க வேண்டும்.  தற்போது பெரும்பாலான வீடுகளில், தரை அமைப்பதற்கு பதிகற்கள் பயன்பாடு என்பது தவிர்க்க முடியாததாகிவிட்டது.

இதற்கு, வீட்டு தரைகளில் எங்கு எத்தகைய பதிகற்களை பயன்படுத்த வேண்டும் என்பதில் தற்போது பல்வேறு மாற்றங்கள் ஏற்பட்டுள்ளன.  சில ஆண்டுகள் முன்பு வரை வீட்டில் அனைத்து அறைகளிலும் ஒரே மாதிரியான வடிவமைப்பில் பதிகற்கள் அமைக்கப்பட்டு வந்தன.

ஆனால், தற்போது வீடுகளில் அறைகளின் பயன்பாடு அடிப்படையில் அதற்கு ஏற்ற வகை பதிகற்கள் அமைக்கப்படுகின்றன.  இதன் அடுத்த கட்டமாக, சுவர்களில் பதிகற்கள் அமைப்பது தற்போது பிரபலமான நடைமுறையாக மாறியுள்ளது.

தரையில் அமைக்கும் போது சற்று தடிமன் அதிகமான பதிகற்களை பயன்படுத்துவது பாதுகாப்பானதாக பார்க்கப்படுகிறது.  ஆனால், சுவர்களில் பதிகற்களை அமைக்கும் போது எந்த அளவுக்கு எடை குறைந்த பொருட்களை பயன்படுத்துகிறோமோ அந்த அளவுக்கு நல்லது.

இதில் தரையில் அதிக இடைவெளி இன்றி பதிகற்கள் அமைப்பது வழக்கம்.  அதில் மெல்லிய இடைவெளியை உரிய பேஸ்ட் பயன்படுத்தி ஒட்டுவது நல்லது.  பொதுவாக, சுவர்களில் பதிகற்கள் அமைக்கும் போது, சற்று இடைவெளி விட்டு ஒட்டுவது நல்ல வழிமுறையாக பார்க்கப்படுகிறது.

நீங்கள் டிசைன்கள் இன்றி பிளைன் வடிவத்தில் பதிகற்களை தேர்வு செய்யும் போது அதில் சீரான இடைவெளியை ஏற்படுத்தலாம்.  அந்த இடைவெளியில் சிறப்பு வகை ஜாயின்ட் பேஸ்ட்களை பயன்படுத்தினால் சிறப்பு அலங்கார வடிவமைப்பு கிடைக்கும்.

சுவர்களுக்கான பதிகற்களை தேர்வு செய்யும் போது, எடை குறைந்த, சிறிய அளவிலான பதிகற்களை பயன்படுத்துவது நல்லது.  குறிப்பாக, வண்ணம் அதிகமான டிசைன்கள் இல்லாத, பதிகற்களை வாங்கி பயன்படுத்துவது நல்லது.

குறிப்பாக, சுவர்களில் பதிகற்களை ஒட்டும் பணியில் தரமான பொருட்களை பயன்படுத்த வேண்டும் என்பதில் எவ்வித சமரசமும் செய்ய கூடாது என்கின்றனர் கட்டுமான பொறியாளர்கள்.

கட்டடத்தில் மேல்தள பணியில் செலவை குறைக்கும் வழிமுறைகள்!

புதிதாக வீடு கட்டும் நபர்களுக்கு, அதற்கான பட்ஜெட் எப்போதும் கட்டுப்படுத்த முடியாத, கவலை அளிக்கும் விஷயமாக உள்ளது.  இதற்காக மக்கள் கட்டுமான பணியில் செலவு குறைப்புக்கான வழிமுறைகளை தேடுவதை வழக்கமாக கொண்டுள்ளனர்.

கட்டுமான பணியில் எப்போது, எப்படி செலவை குறைக்கலாம் என்பதில் எப்போதும் மக்கள் ஆர்வம் காட்டுவதை பார்க்க முடிகிறது.  குறிப்பாக, செலவு குறைப்புக்கான வழிமுறைகளை தெரிவிக்கும் ஒப்பந்ததாரரை மக்கள் விரும்பி தேர்வு செய்வதை பார்க்க முடிகிறது.

ஒவ்வொரு கட்டடத்திலும், மேல்தளம் அமைக்கும் பணியில் தரத்தில் எந்த சமரசமும் செய்து கொள்ள கூடாது என்பதில் கவனமாக இருக்க வேண்டும்.  இதற்காக, அதில் செலவை குறைப்பதற்கான வழிமுறைகளை ஏற்க கூடாது என்ற முடிவுக்கும் செல்லாதீர்.

பொதுவாக மேல் தளம் அமைக்கும் போது, தாங்கு தளம் அமைப்பதில் மரப்பலகைகளுக்கு பதிலாக, இரும்பு பலகைகளை பயன்படுத்த வேண்டும்.  இதில் மரப்பலகைகள் பயன்படுத்தும் போது, அடிப்புறத்தில் சரியான ‘பினிஷிங்’ கிடைக்காது.

இதனால் உட்புறத்தில் புள்ளி போட்டு பூச்சு வேலை மேற்கொள்வது வழக்கமாக இருந்து வந்தது.  ஆனால், தற்போது, மரப்பலகைகளுக்கு பதிலாக இரும்பு பலகைகள் பயன்படுத்தப்படுகின்றன, அதிலும், தார் போன்ற கலவைகள் பூசப்படுகின்றன.

இதில் தார் பூசிய இரும்பு தாங்கு தளங்கள் அமைத்து அதில், முறையாக கம்பி கட்டும் வேலையை செய்து கான்கிரீட் போட வேண்டும்.  இதனால், தளத்தின் அடிப்புறத்தில் சீரான அமைப்பு கிடைக்கும் போது அதில் புதிதாக புள்ளி போட்டு பூச்சு வேலை மேற்கொள்வதை தவிர்க்கலாம் என்று கூறப்படுகிறது.

தளத்தில் அடி பாகத்தில் சீராக அமைந்த பகுதியில் தேவையில்லாமல் புள்ளி போட்டு பூச்சு வேலை மேற்கொள்வதால் நடைமுறையில் பல்வேறு பிரச்னைகள் வருவதாக கூறப்படுகிறது.  இதில் பூச்சு வேலை மேற்கொள்ளாமல் பட்டி பார்த்து வண்ணம் அடித்தால் செலவு வெகுவாக குறையும் என்று கூறப்படுகிறது.

கட்டடத்தில் மேல் தளத்தில் உட்புற பகுதியில் பூச்சு வேலை மேற்கொள்ளாமல் விட்டால் நீர்க்கசிவு ஏற்படும் என்ற எண்ணம் நிலவுகிறது.  எதார்த்த நடைமுறையில், இது போன்ற பாகங்களை முறையாக அமைத்தால் அடிப்புறத்தில் பூச்சு வேலை தேவையில்லை.

இதனால், பயன்பாட்டு நிலையில் கான்கிரீட் பூச்சு பெயர்ந்து விழுவது போன்ற பிரச்னைகளை தவிர்க்கலாம்.  மேல்தளத்தை முறையாக அமைத்தால் அதில் செலவு குறைப்பு சாத்தியம் என்கின்றனர் கட்டுமான பொறியாளர்கள்.

வீடுகளில் மேல்நிலை தொட்டி அமைப்பதில் கவனமாக இருக்கணும்!

பொதுவாக வீடு கட்டும் போது அதில் மின்சார விநியோகத்துக்கான ஒயரிங், தண்ணீர் விநியோகத்துக்கான பிளம்பிங் பணிகளில் கூடுதல் கவனம் செலுத்த வேண்டும்.  இந்த பணிகளுக்கான திட்டமிடலில், வரைபடம் தயாரிப்பு, பொருட்களை வாங்குவது என அனைத்திலும் கவனமாக இருக்க வேண்டும்.

புதிய கட்டடத்தில் மின்சார ஒயரிங் பணிகளுக்கு தரமான கேபிள்கள் வாங்க வேண்டும் என்று அனைவரும் நினைக்கின்றனர்.  குறிப்பாக, எளிதில் தீ பிடிக்காத தன்மையுள்ள கேபிள்களை வாங்க வேண்டும் என்பதில் மக்கள் அதிக கவனம் செலுத்துகின்றனர்.

இதேபோன்று, கேபிள்கள் கொண்டு செல்ல பயன்படுத்தப்படும் பிவிசி குழாய்கள் விஷயத்திலும் தரத்தில் கவனமாக இருக்க வேண்டும்.  கேபிள்களை அதிக விலை கொடுத்து தரமானதாக வாங்கினாலும், அது செல்லும் குழாய்களில் தரம் குறைந்தால் பாதிப்பு ஏற்பட வாய்ப்பு உள்ளது.

இதற்கு அடுத்தபடியாக பிளம்பிங் பணிகளில் பயன்படுத்தப்படும் பிவிசி குழாய்கள் விஷயத்திலும் கவனமாக இருக்க வேண்டும்.  கட்டடங்களில் மேல் நிலை தொட்டிக்கு தண்ணீர் செல்லும் நிலையில் என்ன அளவிலான குழாய் அமைய வேண்டும் என்று கவனமாக பார்க்க வேண்டும்.

பொதுவாக, மேல்நிலை தொட்டிகளில் இருந்து வீட்டின் பல்வேறு பாகங்களுக்கு செல்லும் குழாய்களை அரை அங்குலம் வகையை சேர்ந்ததாக தேர்வு செய்கின்றனர்.  ஆனால், இதில், முக்கால் அங்குல குழாய்களை பயன்படுத்தும் போது தான் சீரான தண்ணீர் வினியோகத்தை உறுதி செய்ய முடியும்.

கட்டடங்களில் மேல் தளத்தில், சிமென்ட், செங்கல் பயன்படுத்தி தண்ணீர் தொட்டிகள் அமைக்கப்பட்டு வந்தன.  இதற்கு ஆகும் செலவுகள், பராமரிப்பதில் ஏற்படும் குறைபாடுகள் நாளுக்கு நாள் அதிகரித்து வருவதாக மக்கள் நினைக்கின்றனர்.

இதனால், பிவிசி பொருட்களால் தாயாரிக்கப்படும் மேல் நிலை தொட்டிகளை மக்கள் பயன்படுத்த தொடங்கியுள்ளனர்.  இதில், 2000 லிட்டர் முதல், 5000 லிட்டர் வரையிலான கொள்ளளவில் பிவிசி தண்ணீர் தொட்டிகள் தற்போது பரவலாக கிடைக்க தொடங்கியுள்ளன.

இத்தொட்டிகளை வாங்கி கட்டடத்தின் மேல் பகுதியில் எளிதாக அமைத்துவிடலாம்.  அதில் தேவையில்லாத குப்பைகள் சேராது, குறிப்பிட்ட கால இடைவெளியில் சுத்தப்படுத்தவும் வழி உள்ளது என்பதால், மக்கள் இதை தேர்வு செய்கின்றனர்.

ஆனால், மொட்டை மாடியில் இது போன்ற பிவிசி தண்ணீர் தொட்டிகளை அமைக்கும் போது, புயல், சூறாவளி காலத்தில் தண்ணீர் தொட்டி சேதம் அடைய வாய்ப்புள்ளதாக கூறப்படுகிறது.  இதற்கு தீர்வாக தண்ணீர் தொட்டி அமைக்கப்படும் இடத்தை சுற்றி ஒன்னரை அடி உயரத்துக்கு செங்கல் சுவர் அமைப்பது பாதுகாப்பை ஏற்படுத்தும்.

புயல் காலத்தில் தண்ணீர் தொட்டி பாதிக்கப்படாமல் இருக்க இது போன்ற வழிமுறைகளை கடைபிடிக்கலாம் என்கின்றனர் கட்டுமான துறை வல்லுநர்கள் .

சொத்து முன் ஆவணங்கள் விஷயத்தில் விழிப்புடன் இருப்பது அவசியம்!

புதிதாக ஒரு சொத்தை வாங்கும் போது அதை விற்பவர் யார், அவரிடம் என்னென்ன ஆவணங்கள் உள்ளன என்பதையும், அவற்றின் உண்மை தன்மையையும் சரி பார்க்க வேண்டும்.  ஒரு நபர் சொத்து விற்க வருகிறார் என்றால், அவர் தான் உரிமையாளரா என்பதில் தொடங்கி பல்வேறு விஷயங்களை ஆய்வு செய்ய வேண்டும்.

இதில் உரிமையாளர்கள் தங்களிடம் உள்ள அனைத்து பத்திரங்களின் பிரதிகளையும் முறையாக கொடுப்பர் என்று எதிர் பார்க்க முடியாது.  சில சமயங்களில் சொத்தை விற்கும் உரிமையாளர்கள் தங்கள் பெயருக்கு வந்த கிரைய பத்திரத்தின் அசல் பிரதி மட்டும் வைத்து இருப்பர்.

அதற்கு முந்தைய அசல் பத்திரம் அல்லது அதன் நகல் கூட தங்களிடம் இல்லை என்று கூறுவர்.  இன்றைக்கும், பல இடங்களில் சொத்து வாங்குவோர், அதற்கான கிரையப்பத்திரம் பதிவு செய்து கொடுத்தால் போதும், அனைத்தும் முடிந்துவிட்டது என்று நினைக்கின்றனர்.

சிலரிடம் சொத்தின் தாய்ப்பத்திரத்தின் நகல் மட்டும் இருக்கும், அசல் பத்திரம் இல்லை என்பதற்கு பல்வேறு காரணங்களை சொல்வர்.

இது போன்ற சூழலில், முந்தைய பத்திரங்களின் அசலில் என்ன விபரங்கள் உள்ளன, விற்பனையாளர் காட்டும் நகல் பத்திரங்கள் உண்மை தானா என்று பார்க்க வேண்டும்.

இதற்கு, அந்த குறிப்பிட்ட பத்திரத்தின் எண், பதிவு செய்த ஆண்டு, சார்-பதிவாளர் அலுவலகம் ஆகிய விபரங்கள் இருந்தால் போதும்.

இந்த அடிப்படை விபரங்களை அளித்து உரிய முறையில் கட்டணம் செலுத்தி விண்ணப்பித்தால் சம்பந்தப்பட்ட பத்திரங்களின் பிரதிகள் உங்களுக்கு கிடைத்துவிடும்.

தற்போது, சொத்தின் நகல் பத்திரங்கள் பெற வேண்டுமானால், சார்-பதிவாளர் அலுவலகம் கூட செல்ல வேண்டியதில்லை.

நீங்கள் வீட்டில் இருந்தபடியே இணையதளம் வாயிலாக நகல் பத்திரங்கள் கோரி, கட்டணம் செலுத்தி விண்ணப்பித்தால் போதும்.

ஆன்லைன் முறையில் பத்திர நகல் கோரி விண்ணப்பிக்க வேண்டும் என்று நினைப்பவர்கள், ஆவண எழுத்தர்கள் வாயிலாக அல்லது நீங்களே உங்கள் பெயரில் விண்ணப்பிக்கலாம்.

இதற்கான பணியில் இறங்கும் முன், ஆதார் எண், இ-மெயில் முகவரி, மொபைல் போன் எண் ஆகிய விபரங்களை தயாராக வைத்திருக்க வேண்டும்.  ஒரு சொத்தின் பத்திரத்தின் நகல் வேண்டும் என்ற தேவை எழுந்தால், பதிவுத்துறையில் முறையாக விண்ணப்பித்தால் ஓரிரு நாட்களில் அது உங்களுக்கு இ-மெயில் வாயிலாக அனுப்பப் படும்.

இதை வைத்து அந்த சொத்தை வாங்குவது தொடர்பான விஷயங்களில் அடுத்தடுத்த முடிவுகளை எடுக்கலாம்.

தலைவாசலுக்கு தேக்கு மரத்தை தேர்வு செய்வதில் கவனிக்க வேண்டிய விஷயங்கள்!

வீடு கட்டும் போது, அதில் தலைவாசல் நிலை அமைப்பது, கதவு, ஜன்னல் ஆகியவற்றுக்கு மரம் பயன்படுத்த வேண்டிய தேவை உள்ளது.  ஆனால், வீடு கட்ட வேண்டும் என்று நினைப்பவர்கள் பலருக்கும் மரம் தொடர்பான விஷயங்களில் போதிய பரிச்சயம் இருக்காது.

இதற்காக, அவர்கள் ஒப்பந்ததாரரே நிலை வாசல் மரங்களை தேர்வு செய்யட்டும் என்று விட்டுவிடுகின்றனர்.  ஆனால், இதில் பெரும்பாலான சமயங்களில் சிவில் பொறியியல் துறையில் அனுபவம் இருக்கும் பொறியாளர் மரம் தேர்வு விஷயத்தில் வல்லுனராக இருப்பார் என்று எதிர்பார்ப்பது நல்லதல்ல.

பெரும்பாலான சமயங்களில் தலை வாசலுக்கான நிலையும், கதவும் ஒரே வகை மரத்தால் ஆனதாக இருக்க வேண்டும் என்று மக்கள் நினைக்கின்றனர். ஆனால், தலைவாசல் நிலையும், கதவும் வெவ்வேறு வகை மரமாக இருப்பதால் எந்த பிரச்னையும் இல்லை என்று கூறப்படுகிறது.

இதில் தலைவாசல் நிலை என்ன மரமாக இருந்தால் என்ன, கதவு மட்டும் அதிக தரமானதாக இருந்தால் போதும் என்று மக்கள் நினைக்கின்றனர்.  உண்மையில், மரம் வாங்கும் போது சில அடிப்படை விஷயங்களை மக்கள் புரிந்து தெளிவாக செயல்பட வேண்டும்.

வீட்டுக்கு தலைவாசல் அமைக்கும் போது அதற்கு தேக்கு மரத்தை பயன்படுத்த வேண்டும் என்று பலரும் எதிர்பார்க்கின்றனர்.  தேக்கு மரத்தை பொறுத்தவரை, கேரளா தேக்கு, பர்மா தேக்கு, நைஜீரியா தேக்கு ஆகியவை பிரபலமாக உள்ளன.

கேரளா தேக்கு என்றால், அதில் நிலம்பூர் தேக்கு, சாதாரண தேக்கு என வெவ்வேறு வகை தேக்கு மரங்கள் பல்வேறு தர நிலைகளில் கிடைக்கின்றன.  இதில் முதல் தரமான தேக்கு மரங்கள் அதிக விலை என்பதால், குறைந்த விலையில் கிடைக்கும் இரண்டாம் தர தேக்கு மரங்களை மக்கள் தேர்வு செய்கின்றனர்.

நீங்கள் தேர்வு செய்யும் தேக்கு மரத்தில், மேற்புறத்தில் கிரைன்ஸ் எனப்படும் கோடுகள் அல்லது சூழல்கள் சரியாக இருக்க வேண்டும்.  இந்த கிரைன்ஸ் இல்லாமல், வெள்ளையாக இருந்தால் அந்த மரத்தில் தரம் சார்ந்த குறைபாடு இருப்பதாக புரிந்து கொள்ளலாம்.

இதற்கு அடுத்தபடியாக, தேக்கு மரத்தின் மேற்புறத்தில், துளைகள், வெடிப்புகள் எதுவும் இருக்க கூடாது என்பதில் உரிமையாளர்கள் கவனமாக இருக்க வேண்டும்.  உங்கள் வீட்டுக்கான தலைவாசல் நிலை என்ன மரத்தில் செய்யப்படுகிறது என்பதை தாண்டி தரம் சார்ந்த தகவல்களை ஆராய வேண்டும்.

உங்கள் வீட்டின் பிரதான பாகமான தலைவாசல் நிலை தரமான மரத்தால் செய்யப்பட்டதாக இருக்க வேண்டும் என்பதில் கவனமாக இருப்பது அவசியம்.

இதில் தேக்கு மரம் வாங்கினால் போதும் என்பதை கடந்து அதன் தரத்தை துல்லியமாக பார்க்க வேண்டியது அவசியம் என்கின்றனர் கட்டுமான துறை வல்லுனர்கள்.

குளியலறை கட்டும் போது வசதிகளில் கவனம் வேண்டும்!

பொதுவாக வீடுகளில் ஒவ்வொரு விஷயத்தையும் பார்த்து பார்த்து செய்வது தற்போது வழக்கமான நடைமுறையாக உள்ளது.  இதில் வீட்டை பயன்படுத்தும் நிலையில் என்னென்ன வசதிகள் தேவைப் படும் என்பதை கருத்தில் வைத்து அறைகளை அமைக்க வேண்டும்.

குறிப்பாக, வீட்டில் உள்ளவர்களின் உடல் நிலை, அவர்களின் எதிர்பார்ப்புக்கு ஏற்ப அறைகளில் வசதிகளை ஏற்படுத்த வேண்டியது அவசியம்.  குறிப்பாக, முதியோர், குழந்தைகள் இருக்கும் வீடுகளில் பயன்பாட்டு நிலையில் பாதிப்புகள் ஏற்படாமல் பார்த்து கொள்வது கவனம் தேவை.

வீடுகளில் குளியலறை அமைப்பதில் மிகவும் கவனத்துடன் செயல்பட வேண்டியது அவசியம்.  பெரும்பாலான வீடுகளில் பிரதான படுக்கை அறையின் இணைப்பாக குளியலறை அமைக்கப்படுவது தற்போது தவிர்க்க முடியாத வழக்கமாக மாறியுள்ளது.

இவ்வாறு அமைக்கும் போது, படுக்கை அறையின் தரைமட்டத்தைவிட, குளியலறையின் தரைமட்டம் உயரமாக இருக்கும் படி தான் பலரும் அமைக்கின்றனர்.  குளியலறையில் இருந்து தண்ணீர் வீட்டுக்குள் வந்து விடாமல் தடுப்பதாக நினைத்து இந்த வசதியை செய்கின்றனர்.

ஆனால், இவ்வாறு அரை அல்லது முக்கால் அடி உயரத்தில் குளியலறை அமைக்கும் போது, குழந்தைகள், முதியோர், மாற்று திறனாளிகளுக்கு பிரச்னை ஏற்படுகிறது.  இதற்கு மாற்றாக, படுக்கை அறையில் தரைமட்டத்தை விட, குளியலறையின் தரைமட்டம் சமநிலையில் அமைப்பது நல்லது.

குளியலறைக்கு கதவு அமைக்கும் இடத்தில், அரை அல்லது ஒரு அங்குலம் உயரத்துக்கு ஒரு தடுப்பு அமைத்தால் போதும், தண்ணீர் வெளியேறுவதை தடுக்கலாம்.  குளியலறையில் வாட்டர் ஹீட்டர் மட்டும் இருந்த காலம் தற்போது மாறிவிட்டது, ஷாம்ப், ஹேர் டிரையர் போன்ற வசதிகள் தேவைப்படுகின்றன.

குளியலறை கட்டும் போதே இந்த வசதிகளை பயன்படுத்துவதற்கான இடவசதியை ஏற்படுத்த வேண்டும்.  குறிப்பாக, குளியலறையில் இது போன்ற சாதனங்களை தண்ணீர் படாமல் வைப்பதற்கான இடத்தை சரியாக அமைக்க திட்டமிட்டு செயல்பட வேண்டும்.

உங்கள் வீட்டு குளியலறையில், எதிர்பாராத காரணத்தால் தண்ணீர் வெளியேறும் பாதையில் அடைப்பு ஏற்பட்டால் அதை சரி செய்வதற்கான வழிமுறைகளையும் கவனத்தில் வைத்து செயல்பட வேண்டும்.  குறிப்பாக, நவீன சாதனங்களை குளியலறையில் பயன்படுத்தும் போது உரிய பாதுகாப்பு, பராமரிப்பு வழிமுறைகளை கவனத்தில் கொள்ள வேண்டும் என்கின்றனர் கட்டுமான துறை வல்லுனர்கள்.

 

புதிய வீடு கட்ட ஒப்பந்ததாரரை தேர்வு செய்யும் வழிமுறைகள்!

வாழ்க்கையில் பொருளாதார ரீதியில் ஏற்படும் முன்னேற்றங்களின் ஒரு அலகாக சொந்த வீடு இருப்பது பார்க்கப் படுகிறது.  ஒரு வீடு என்பது உங்களுக்கான உறைவிடம் என்பதை கடந்து, பல்வேறு விஷயங்களில் அடையாளமாக நிற்கிறது.

குறிப்பாக, இன்று நீங்கள் கட்டும் புதிய வீடு என்பது தலைமுறைகள் கடந்து நீண்டகாலத்துக்கு நிலைத்து நிற்க வேண்டும்.  இதற்கு யார் வாயிலாக அந்த வீடு கட்டப்படுகிறது என்பதில், தெளிவான முடிவுகளை உரிமையாளர்கள் எடுக்க வேண்டியது அவசியம்.

பொதுவாக புதிய வீட்டை கட்டும் பணிகளை ஒப்பந்ததாரரிடம் ஒப்படைப்பதே வழக்கமான நடைமுறையாக உள்ளது.  இதில் நீங்கள் வாங்கிய நிலம் அமைந்துள்ள பகுதி குறித்து அறிந்த நபர்களுக்கு முன்னுரிமை கொடுப்பது நல்லது.

இதற்கு அடுத்தபடியாக, ஒப்பந்ததாரரை தேர்வு செய்யும் நிலையில் அவரிடம் என்னென்ன விஷயங்களை எதிர்பார்க்கலாம் என்பதில் தெளிவாக இருக்க வேண்டும்.  ஒரு ஒப்பந்ததாரரை தேர்வு செய்யும் முன் அவர் இதுவரை செயல்படுத்தி திட்டங்கள் குறித்து விசாரியுங்கள்.  முந்தைய திட்டங்களில் வீடு வாங்கியவர்களுடன் அவருக்கு நல்ல முறையில் தொடர்பு இருக்கிறதா அல்லது தகராறு இருக்கிறதா என்று பாருங்கள்.  அவர் என்ன வகையான ஒப்பந்தத்தில் இதுவரை செயல்பட்டு இருக்கிறார் என்பதை தெளிவாக கேட்டு அறிய வேண்டும்.

புதிய வீடு கட்டுவதற்கான ஒப்பந்தம் பெறும் நபர், என்ன பிரிவு பொறியாளர் என்பதை விசாரிப்பது அவசியம்.  இது மட்டுமல்லாது, கட்டட வரைபடம் தயாரிப்பு தொடர்பான விஷயங்களில் அவரது திட்டம் என்ன என்பதையும் கேட்டு பாருங்கள்.

இதில் அனைத்து பணிகளையும் நானே பார்த்து கொள்கிறேன் என்று கூறும் நபர்கள் விஷயத்தில் சற்று கவனமாக செயல்பட வேண்டும்.

ஒரு கட்டடத்துக்கு கட்டட அமைப்பியல் பொறியாளர், வடிவமைப்பாளர் ஆகியோரை பயன்படுத்த வேண்டியது அவசியம்.  இதற்கு அடுத்தபடியாக, கட்டட வரைபடத்துடன் நின்றுவிடாமல், மண் பரிசோதனை மேற்கொள்வதை வழக்கமாக கொண்டுள்ளாரா என்று பாருங்கள்.

சில இடங்களில் கட்டுமான பொறியாளர்கள், தங்களுக்கு இருக்கும் அனுபவம் அடிப்படையில் மண்ணின் தரம் தொடர்பான விஷயங்களில் தாங்களே ஒரு முடிவுக்கு வந்துவிடுகின்றனர்.  மேலும், ஒரு கட்டடத்தில் அடிப்படை வரைபடத்தை கடந்து, கட்டட அமைப்பியல் வரைபடம், மின்சார ஒயரிங், பிளம்பிங், செயல்பாட்டு வரைபடம் போன்றவற்றை தயாரிப்பாரா என்றும் கேட்டு பார்த்து அதன் அடிப்படையில் சரியான நபரை தேர்வு செய்ய வேண்டியது அவசியம் என்கின்றனர் கட்டுமான பொறியாளர்கள்.

Industrial corridors: Chennai’s next property play

New industrial investments could give Chennai’s peripheral residential markets the push they have been waiting for

Employment hubs tend to reshape the areas around them, drawing people closer and creating demand for homes, retail, schools, healthcare and other services that support everyday life.  Chennai’s outskirts, peripheral districts and satellite towns are seeing much of the city’s industrial expansion.  The question is whether this momentum can spark a residential boom in areas once considered too remote or under developed.

Area in focus

Industrial corridors rarely become residential hotspots over-night.  Jobs may draw people in, but it is the growth of supporting infrastructure that makes an area liveable.  Around Chennai, several corridors are making that shift.  “ Chennai’s flag-bearing industrial corridor for a long time, the Sriperumbudur-Oragadam stretch remains the anchor of residential demand due to the concentration of automobile and electronics manufacturing units.  Residential activity is also picking up in other corridors such as Chennai-Bengaluru Industrial Corridor and the southern IT-manufacturing corridor where employees and ancillary businesses are looking for housing near these employment hubs.”

Chennai’s peripheral industrial corridors are at different stages of growth, with property prices already seeing appreciation.  The bigger question is whether this growth will be broad-based and sustained by genuine end-user demand, rather than short-term speculation.

“Industrial growth is likely to contribute to the rise in value of residential properties in Chennai’s suburbs, especially if it is complemented by improved infrastructure and housing.  Market research findings suggest an increase of 11-18 percent in the value of mid-segment capitalisation in certain Chennai suburban markets on a YoY basis during Q1 2026, with a positive outlook for Oragadam and Guduvanchery.  This reflects a well-established real estate cycle, where employment strengthens housing demand, drives absorption and ultimately supports sustainable capital appreciation.  However industrial growth alone cannot drive sustained value creation.  A market undergoes meaningful re-rating when economic activity, connectivity, and social infrastructure develop in tandem.  Chennai’s peripheral locations that achieve this balance are therefore likely to experience more sustainable appreciation than markets driven primarily by speculative expansion.”

A residential era

Every city has a corridor that shapes its next phase of residential growth.  In Chennai, as established corridors mature and prices rise, attention is shifting to where the next wave of housing demand will come from.  OMR has already delivered its growth story, while parts of the western suburbs are building theirs, say market experts.  The focus is now turning to the city’s emerging corridors, though industrial growth alone may not be enough to drive a sustained residential boom.

“OMR demonstrates how an employment corridor can evolve into a broader residential ecosystem, with Sholinganallur, Navalur and Siruseri developing around jobs, retail, education, healthcare and improving connectivity.  Going forward, Chennai’s strongest residential growth corridors are likely to emerge where employment, housing and infrastructure develop together.”

The question, then, may not be where Chennai’s next residential hotspot will emerge, but which of its industrial corridors can build all the pieces needed to become one.

GCC plans 1,562 modern bus shelters across Chennai

Chennai to get 11 upgraded bus shelters with AC, Wi-Fi, CCTV and more

The Greater Chennai Corporation (GCC) has signed memoranda of understanding with seven companies to construct and maintain 11 air-conditioned bus shelters at key locations across the city.

The shelters will follow a standardised design and be equipped with air-conditioning, CCTV cameras, WiFi, ramps connected to footpaths, bus route information, lighting, puff-panel roofing, toughened or laminated safety glass, USB charging points and panic buttons.

GCC has identified 1,562 bus shelters for modernisation, with the design and facilities to be decided based on location and feasibility.

Some new shelters will also be built without air-conditioning.  Shelters affected by Metro Construction would also be replaced.

The 11 shelters will be located at DMS on Anna Salai, Mylapore Bus Stand, Jawaharlal Nehru Road in Vadapalani, Vijay Nagar Bus Terminal in Velachery, both sides of Vadapalani Bus Stand, Little Mount in Guindy, Arcot Road, Alandur Metro and both the north and south sides of Egmore.  Each shelter is expected to cost between Rs 40,000 and Rs 48,000 and will be funded through corporate responsibility (CSR) contributions.  Under the agreement, the participating companies will also bear recurring maintenance expenses, including cleaning and security, in exchange for advertising space.

The GCC is also planning to develop foot-over bridges with escalators and lifts at 56 locations through a public-private partnership model.  Detailed financial feasibility reports are currently being prepared for 10 of these locations.

12 ஏக்கர் நிலம் ரூ.1,020 கோடிக்கு விற்பனை ஜி.சி.சி., காரிடராக உருவெடுக்கிறது ரேடியல் சாலை

பல்லாவரம் – துரைப்பாக்கம் ரேடியல் சாலை, ஜி.சி.சி., எனப்படும் உலகளாவிய திறன் மைய வழித்தடமாக அறிவிக்கப்பட்டுள்ள நிலையில், அங்கு 12 ஏக்கர் நிலத்தை ரூ.1,020 கோடிக்கு கே.எல்.ஏ., டென்கார் நிறுவனம் வாங்கியுள்ளது.

சென்னையில், மத்திய கைலாஷ் முதல் சிறுசேரி வரையிலான பழைய மாமல்லபுரம் சாலை, தகவல் தொழில்நுட்ப வழித்தடமாக அறிவிக்கப்பட்டது. இதற்கு ஏற்ப, இந்த வழித்தடத்தில் பல்வேறு ஐ.டி., நிறுவனங்கள் வந்துள்ளன.

இந்நிலையில், பல்லாவரம் – துரைப்பாக்கம் ரேடியல் சாலையை ஒட்டி, தகவல் தொழில்நுட்பம் சார்ந்த நிறுவனங்களின் வருகை அதிகரித்துள்ளது. குறிப்பாக, ஜி.சி.சி. எனப்படும் உலகளாவிய திறன் மையங்கள் அமைப்பதில், பல்வேறு நிறுவனங்கள் ஆர்வம் காட்டுகின்றன.

இதன்படி, இந்தச் சாலையை ஒட்டிய பகுதிகளில் பல்வேறு நிறுவனங்களின் ஜி.சி.சி. மையங்கள் வருவதற்கான பணிகள் தொடங்கப்பட்டுள்ளன.

இந்த பின்னணியில், பல்லாவரம்-துரைப்பாக்கம் ரேடியல் சாலையில் ஜி.சி.சி.,  மையம் அமைப்பதற்காக, கே.எல்.ஏ., டென்கார் சாப்ட்வேர் இந்தியா நிறுவனம் 12 ஏக்கர் நிலத்தை ரூ.1,020 கோடிக்கு வாங்கியுள்ளது. 

இந்த நிலத்தை செமி கன்டக்டர் தயாரிப்பு தொழிற்சாலை அமைக்க பயன்படுத்த போவதாக கே.எல்.ஏ., நிறுவனம்திட்டமிட்டு இருந்ததாக கூறப்படுகிறது.

இதற்காக தமிழக அரசுடன் இந்நிறுவனம் புரிந்துணர்வு ஒப்பந்தம் செய்த நிலையில் தற்போது ஜி.சி.சி., மையம் அமைக்க முடிவு செய்துள்ளதாக கூறப் படுகிறது.

Mambakkam A Growing Residential Destination

 

Area Focus - Mambakkam

On Chennai’s southern periphery, Mambakkam is gradually moving from the city’s fringe to a more established residential market. Affordability, improving connectivity and access to employment hubs along OMR and GST Road are giving the locality a stronger housing proposition.

The transformation is visible in the range of projects coming up across the area. Reputed developers are launching apartments, villas, gated communities and plotted developments, creating options for both end-users and long-term investors. With projects at different stages of construction, the residential landscape is steadily expanding.

Property Prices

“Affordability remains one of Mambakkam’s strongest draws. Average housing prices in the locality are 15–35% lower than nearby markets such as Siruseri, Ponmar, Padur and Navalur.
This price gap, coupled with access to Chennai’s IT corridor, gives Mambakkam a value proposition for buyers looking for relatively spacious housing.”

In the longer term, market experts see potential across the middle-income and luxury segments, supported by low-density projects, infrastructure upgrades and growing demand for spacious homes.

Connectivity

Mambakkam’s location gives it access to OMR, GST Road, Medavakkam and Tambaram through Vandalur–Kelambakkam Road. It also connects to Chennai’s Outer Ring Road via Vandalur, opening access to other parts of the metropolitan region.

The locality does not currently have direct Metro access. However, its proximity to SIPCOT and the terminal station of Chennai Metro’s upcoming Corridor 3 is expected to strengthen connectivity in the coming years.

Social Infrastructure

Social infrastructure in and around Mambakkam is developing alongside its residential market. Educational institutions and healthcare facilities in neighbouring areas, along with retail and recreational hubs along Navalur and OMR, add to the locality’s liveability.

Retail & Commercial

Mambakkam’s appeal is closely tied to its proximity to established employment corridors. Access to OMR and GST Road places residents within reach of key employment hubs, while the growing presence of residential developments is creating a wider ecosystem around the locality.

Overall Outlook

For homebuyers, Mambakkam offers a combination of affordability, improving infrastructure and access to employment corridors. As connectivity improves and more housing options take shape, this peripheral locality has the potential to turn its value advantage into a lasting residential growth story.

அடுக்குமாடி வீடு வாங்குவதில் சரி பார்க்க வேண்டிய ஆவணங்கள்!

தமிழகத்தில் நிலம் வாங்கி தனி வீடு கட்டி குடியேற வேண்டும் என்று பெரும்பாலான மக்கள் நினைத்தாலும், எதார்த்த நிலை இதற்கு ஒத்துழைக்கும் வகையில் இல்லை.  இதனால், அடுக்குமாடி குடியிருப்பு வளாகங்களில் வீடுகள் வாங்கும் பழக்கம் அதிகரித்துள்ளது.

பொதுவாக, காலி மனை அல்லது வீடு வாங்கும் போது, ஒரு குறிப்பிட்ட நபர் மட்டுமே உரிமையாளராக இருப்பார்.  அந்த சொத்து முழுவதும் அவர் பெயரிலேயே இருக்கும் என்பதால், தனி வீடுகளுக்கான ஆவணங்களை ஆய்வு செய்வதில் பெரிய அளவில் பிரச்னைகள் ஏற்படுவது இல்லை.

ஆனால், அடுக்குமாடி குடியிருப்பு திட்டங்கள் விஷயத்தில் மக்கள் கூடுதல் கவனம் செலுத்த வேண்டிய தேவை உள்ளது.  பெரும்பாலான சமயத்தில், அடுக்குமாடி திட்டங்களில் வீடு வாங்குவோர், அங்கு மற்றவர்கள் சரி பார்த்து இருப்பார்கள் என்ற எண்ணத்தில், அலட்சியமாக இருந்து விடுகின்றனர்.

பொதுவாக அடுக்குமாடி திட்டங்களில், புதிய வீடு அல்லது பழைய வீட்டை வாங்குவதாக இருந்தால், அதற்கான நிலம் தொடர்பான அடிப்படை ஆவணங்களை ஆய்வு செய்யுங்கள்.  அந்த நிலம் தொடர்பான, 50 ஆண்டுகளுக்கான பத்திரப்பதிவு விபரங்களை வில்லங்க சான்று வாயிலாக ஆய்வு செய்யுங்கள்.

இதில், சொத்து பரிமாற்றங்கள் மட்டுமல்லாது, அதற்கு இணையாக பட்டா மாறுதல் குறித்த விபரங்களையும் கவனிக்க வேண்டும்.  வருவாய் துறை இணையதளத்தில் பட்டா மாறுதல் தொடர்பான பழைய விபரங்களை அறிய வசதி செய்யப்பட்டுள்ளது.

அந்த நிலம், கட்டுமான நிறுவனத்தால் விலைக்கு வாங்கப்பட்டதா, அல்லது ஒப்பந்தம் போட்டு கூட்டு நடவடிக்கையாக குடியிருப்பு கட்டப்பட்டதா என்பதையும் விசாரியுங்கள்.  இத்துடன், சில இடங்களில், நில உரிமையாளரிடம் கட்டுமான நிறுவனம் பொது அதிகாரம் பெற்று இருக்கும்.

இவ்வாறு, பொது அதிகாரம் பெற்று கட்டுமான பணிகள் மேற்கொள்ளப்பட்டு இருந்தால், அதில், விற்பனைக்கான அதிகாரம், கட்டுமான நிறுவனத்துக்கு வழங்கப்பட்டுள்ளதா என்று பாருங்கள்.  சில இடங்களில், கட்டுமான பணிக்கு மட்டும் வழங்கப்பட்ட பொது அதிகாரத்தை பயன்படுத்தி வீடு விற்பனை செய்யப்படும்.

அந்த குறிப்பிட்ட அடுக்குமாடி திட்டம் மேற்கொள்ளப்படும் நிலம் மொத்தமாக எத்தனை சர்வே எண்களில் பரவியுள்ளது.  அந்த சர்வே எண்களில் ஒரே கிராம எல்லைக்குள் வருகிறதா என்பதையும் வீடு வாங்குவோர் துல்லியமாக ஆராய்ந்து பார்க்க வேண்டும்.

ஒன்றுக்கு மேற்பட்ட கிராமங்களில் அமைந்துள்ள சர்வே எண்களின் தொகுப்பாக அமைந்து இருந்தால், பட்டா மாறுதல் போன்ற விஷயங்களில் பிரச்னை ஏற்பட வாய்ப்புள்ளது.  இது மட்டுமல்லாது, வருவாய் துறை, உள்ளாட்சி அமைப்பு தொடர்பான பணிகளிலும் பிரச்னை ஏற்படக்கூடும் என்கின்றனர் வருவாய் துறை அதிகாரிகள்.

வீடுகளில் சோலார் மின்சார வசதி அமைப்பதில் ஏற்படும் பிரச்னைகள் என்ன?

உலகம் முழுதும் மின்சார உற்பத்திக்கு பல்வேறு மாற்று வழிகள் பரிந்துரைக்கப்படுகின்றன.  குறிப்பாக, சுற்றுச்சூழலுக்கு மாசு ஏற்படுத்தாமல், மரபு சார்ந்த முறையில் எளிதாக மின்சாரம் தயாரிப்பதற்கான வழிமுறைகளை பயன்படுத்த வேண்டும் என்ற கருத்து வலு பெற்று வருகிறது.

இந்த வகையில், வீடுகளில் மொட்டை மாடி உட்பட பல்வேறு காலியிடங்களில் சோலார் பேனல்களை வைத்து சூரிய சக்தி வாயிலாக மின்சாரம் உற்பத்தி செய்யலாம்.  இதை ஊக்குவிக்கும் வகையில் மத்திய, மாநில அரசுகள் பல்வேறு திட்டங்களை செயல்படுத்தி வருகின்றன.

தமிழகத்தில், அடுக்குமாடி குடியிருப்புகளில் மொட்டை மாடியில் சோலார் பேனல்கள் அமைத்து சூரிய சக்தி மின்சாரம் உற்பத்தி செய்ய வேண்டியது கட்டாயம்.  நகர், ஊரமைப்பு சட்ட விதிகளில் இதற்கான விதிமுறைகள் திருத்தப்பட்டுள்ளன.

சோலார் வசதிகள் இருந்தால் மட்டுமே சம்பந்தப்பட்ட அடுக்குமாடி குடியிருப்பு கட்டடங்களுக்கு பணி நிறைவு சான்றிதழ் வழங்கப்படும் என அறிவிக்கப்பட்டுள்ளது.  இந்நிலையில், வீடுகளில், அடுக்குமாடி குடியிருப்பு திட்டங்களில் சோலார் வசதிகள் அமைக்க மத்திய அரசு மானியம் வழங்க முன்வந்துள்ளது.

இருப்பினும், வீடுகளில் சோலார் மின்சார கட்டமைப்புகளை அமைப்பதில் மக்கள் மத்தியில் பல்வேறு குழப்பங்கள் நிலவுகின்றன.  இதில், பகல் நேரத்தில் தான் சோலார் பேனல்கள் வாயிலாக மின்சாரம் உற்பத்தி ஆகும் என்றால், அதை உடனடியாக பயன்படுத்த வாய்ப்பு குறைவு.

பெரும்பாலான அடுக்குமாடி குடியிருப்புகளில் இரவு நேரங்களில் தான் விளக்குகள் எரிய மின்சாரம் தேவைப் படும்.  ஆனால், பகலில் உற்பத்தியாகும் மின்சாரத்தை இருப்பு வைத்து, இரவில் பயன்படுத்த வேண்டும் என்றால் அதற்கான மின்சார சேமிப்பு பேட்டரி வசதிகளை செய்ய வேண்டும்.

இவ்வாறு சேமிப்பு வசதிகள் செய்ய ஆகும் செலவை தவிர்க்க நினைப்பவர்கள், பகலில் உற்பத்தியாகும் மின்சாரத்தை, அரசின் மின் வாரிய தொகுப்புக்கு கொடுத்து விடுவது.  இரவில் மின் வாரிய வழக்கமான இணைப்பு வாயிலாக மின்சாரத்தை பயன்படுத்துவது வழக்கமாக உள்ளது.

இதில், ஒரு மாதத்தின் இறுதியில், நீங்கள் பயன்படுத்திய மின்சாரத்துக்கான கட்டணம் வசூலிக்கப்படும் போது, தொகுப்புக்கு நீங்கள் கொடுத்த மின்சாரம் கணக்கிடப்பட்டு அதற்கான தொகை உங்கள் மின் கட்டணத்தில் கழிக்கப்படும்.

இவ்வாறு செய்வதால், வீடுகளுக்கான மின் கட்டண செலவு பாதியாக குறைக்க வாய்ப்பு உள்ளது.  ஆனால், இவ்வாறு செய்வதற்கு மின்சார வாரிய அதிகாரிகளின் ஒத்துழைப்பு கிடைப்பதில்லை என்கின்றனர் கட்டுமான துறை பொறியாளர்கள்.